Leviticus 17
Sisan Nek Kikham
1TOPA in Moses tungah, 2“Aaron le a tapate le Israel-te khempeuh tungah gen inla, amaute tungah, ‘Hih in TOPA hong thu piaksa ahi hi: 3Israel-te khatpeuh in TOPA biakbuk mai-a TOPA tungah biakpiakna khat ahi dingin Kikhopna Puanbuk lutna ah bawngtal ▼▼17.3 Hebrew lai-in anu le apa kici thei tuak hi.
, tuuno ahikeh keel biakna-in 4a piak sangsik in giahphual sung ahikeh giahphual pua-ah biakna a piak leh sisan a luangsak khialhna-in kisim ding hi; amah sisan luangsak khin hi-a, a mite panin pel lo kikhenkhia ding hi. 5Israel-te in gamlak peuha biakna a piakte uh TOPA mai-ah hong paipih nading uh hih bang ahi hi. Amaute in Kikhopna Puanbuk lutna-a TOPA tung ahi, siampipa tungah paipihin kilawmtakna biakna-in ▼▼17.5 Tang ngeina-in kilemna biakna
tuate a pia ding uh hi. 6Siampipa in Kikhopna Puanbuk lutna-a TOPA biakna-tau ah tua sisan theh dinga a thau pen TOPA lungkimsak gimnamtui-in a hal ding hi. 7Amaute in a kizuakna uh keel limte ▼▼17.7 Ahikeh dawite
tungah a biakpiaknate uh a pia nawn peuhmah kei ding uh hi. Hih in a maute le khang sawnsawn dongin tawntung thuzek ahi hi,’ ci in. d 8 “Amaute tungah: ‘Israel-te ahikeh amaute laka teng pemta khatpeuh in haltum-a biakna ahikeh biakpiakna pia a, 9Kikhopna Puanbuk lutna-a TOPA mai-ah biakpiakna a paipih kei leh - tua mipa ama mite panin pel loin kikhenkhia ding hi. 10 “Israel-te ahikeh amaute laka teng pemtate, khatpeuh in sisan a nek leh tua mipa tungah ka maigum dinga ama mite panin ka khenkhia ding hi. 11Ahang in ganhing khat nuntakna a sisan a om hi a, biakna-tau tunga nomau tekin thoihdamna na bawl nading uh no tungah kong pia khin zo hi; mihing khat nuntak nadinga thoihdamna bawlna in sisan ahi hi. 12Tua ahi ciangin Israel-te tungah, “Note khat beek in sisan na ne thei kei ding uh hi; note laka teng pemtate in zong sisan a ne kei ding uh hi. 13 “‘Israel-te khatpeuh ahikeh no laka teng pemtate khatpeuh nek theih ding gamsa ahikeh vasa a bengte in a sisan khitkhia-in lei a vuk ding uh hi; 14bang hang hiam cih leh ganhing nuntakna peuhmah a sisan ahi hi. Tua ahi manin Israel-te tungah “Ganhing khatpeuh sisan na ne peuhmah kei ding uh hi, bang hang hiam cih leh ganhing nuntakna a sisan ahi hi; tua a nete peuhmah pel loin kikhenkhia ding hi,” ka ci hi. e 15 “‘A tualsuak ahikeh pemta, ganhing si ahikeh gamsate nekbang a ne peuhmah in pel loin a puan uh sawpin tui-in kipumsil ding uh a, nitak mateng asianglo hi ding hi; tua khit ciangin asiang ding hi. 16Ahi hangin a puan sawp loin a kipumsil kei leh ama mawhna amah’n a khu ding hi,’ ci in,” a ci hi. f
Copyright information for
ZomZIV